Maa Ke Naam...

Raat ki aankhon mein jo neendon ki kami hai

Maa kuch aur nahin tujhse doori ki ghami hai

Ek bechain si subah ne bhi apna chaaadar failaya hai

Par maa ismein bhi kahan tere aanchal sa saaya hai

Har roz rasoi se ye jo dhuaan nikalta hai

Lagta hai teri khushboo choone ko tarasta hai

Diyon ki dagmagati law, mandir mein aarti ki jo aawazein jhoolti hain

Teri aankhon ki chamak,  teri aahaton ki dhun ko kahan bhoolti hain

Deewaron par lage har aaine ki shikayat hai

Teri aankhon mein apna aks dekhne ki aaj bhi unki chahat hai

Jab bhi aangan mein boondon ki jhadi lagti hai

Ehsaas hota hai ki teri payal ki rum jhum ko hi thagti hai

Suraj bhi teri god mein garmahat dhoondhta hai

Chaand bhi sone k liye teri loriyon ki aahat dhoondhta hai

Maa ye kaisi teri mehek hai

Kabhi mitti si saundhi to kabhi panchiyon ki chehak hai

Door hokar bhi maa tu hamesha paas hai

Jism ko rooh se jo jode wo ehsaas hai