Aankhon mein junoon dil mein sailaab liye
chal pade hum...
Saaf seerat ko surat dene
nikal pade hum...
Aaj ek ho gaye hain hum
jo kal tak the juda juda...
Sajda kar rahe hain wo
jo bane firte the humare khuda.
Humare pasine se
jinhone apni duniya chamkaai...
Humari mehnatein lootkar
jo badhate rahe apni kamai.
Aaj kyun hai bebas
garibon k is ANNAdata k aage?
Hazaare se hazaaron ko dekh
fir rahe bhage bhage!!!
Kabhi andaaza na tha unhein
ki hum ek ho jayenge...
Hum bhi na jaan paye ki ;
gandhi k naam pe jeene waale...
Unhi k usoolon se bair nibhayenge.
Shuru hui hai ab badlaav ki jung;
Jab tak chalega karvaan...
chalenge hum sang sang.
